२६५४ विन्दुमा पुग्यो नेप्से, ७ अर्ब बढीको शेयर किनबेच

धितोपत्र बजारमा शेयर कारोबार मापक नेप्से परिसूचक लगातार तेस्रो कारोबार दिन पनि बढेर बन्द भएको छ। साताको पहिलो कारोबार दिन मंगलबार नेप्से ७.०६ अंकले उकालो लागेर २६५४.२८ विन्दुमा पुगेको हो।

परिसूचकसँगै यस दिन कारोबार रकममा पनि उत्साहजनक सुधार देखिएको छ। अघिल्लो कारोबार दिन ६ अर्ब ७४ करोड रुपैयाँको कारोबार भएको बजारमा यस दिन ७ अर्ब ५ करोड ३ लाख ९८ हजार रुपैयाँबराबरको शेयर खरिदबिक्री भएको छ।