संसद्मा सांसद नै रुनुपर्ने अवस्था किन आयो ?

संसद् जनताको आवाज सुनाउने थलो हो। यहाँ उठ्ने प्रश्न व्यक्तिगत पीडाभन्दा माथि उठेर सार्वजनिक सरोकारसँग जोडिनुपर्ने अपेक्षा गरिन्छ। तर मंगलबार प्रतिनिधिसभाको विशेष समयमा एउटा सांसद आफ्नो व्यक्तिगत पीडा सम्झँदै बोल्दाबोल्दै भक्कानिइन्।

राष्ट्रिय स्वतन्त्र पार्टी (रास्वपा)की सांसद रचना खतिवडा संसद्को विशेष समय लिएर उभिएर बोलिरहँदा भावविह्वल भइन्। उनको आँसुमा केवल व्यक्तिगत शोक थिएन, जेनजी आन्दोलनमा छोरासहित सन्तान गुमाएका परिवारको पीडा, न्यायको प्रतीक्षा र त्यही पीडामाथि भइरहेको सार्वजनिक टिप्पणीप्रतिको आक्रोश पनि मिसिएको थियो।