राष्ट्रिय विधि विज्ञान प्रयोगशाला विधेयकको मस्यौदा प्रतिवेदन समितिमा पेस

काठमाडौँ । राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१ सम्बन्धी प्रतिवेदनको मस्यौदा शिक्षा, स्वास्थ्य तथा सूचना प्रविधि समितिमा पेस गरिएको छ।

समितिको मंगलबार बसेको बैठकमा समिति सचिव दशरथ धमलाले विधेयकको प्रतिवेदन मस्यौदा तयार पारी समिति सभापति ओजस्वी शेरचनलाई बुझाएका हुन्। समितिले दिएको निर्देशन अनुसार प्रतिवेदन तयार पारिएको जानकारी सचिव धमलाले दिए।