प्राविधिक समस्या सुल्झिएपछि खुलेको नेप्सेमा झिनो सुधार

काठमाडौं । नेपाल स्टक एक्सचेन्ज (नेप्से) परिसूचकमा मंगलबार (असोज ६) झिनो सुधार देखिएको छ ।

यस दिन नेप्से सूचक ७.०६ अंक अर्थात् ०.२६ प्रतिशतले बढेर २६ सय ५४.२८ विन्दुमा बन्द भएको छ । सरकारले घटाएको पुँजीगत लाभकर सोमबार (असोज ५) राजपत्रमा प्रकाशनसँगै कार्यान्वयनमा आएपछि लगानीकर्तामा उत्साह बढेर कारोबार वृद्धि हुने अपेक्षा गरिए पनि त्यस्तो खासै देखिएन ।