सवारी चालक अनुमतिपत्र अब सेवाग्राहीको घरमै पुर्‍याइने, त्रिपक्षीय सम्झौता

काठमाडौँ। सवारी चालक अनुमतिपत्र (लाइसेन्स) को छपाइ र वितरण प्रक्रियालाई थप व्यवस्थित, छिटो र सहज बनाउन सरकारका तीन निकायबिच त्रिपक्षीय सम्झौता भएको छ।

यस सम्झौतासँगै अब सेवाग्राहीले आफ्नो लाइसेन्स सम्बन्धित यातायात कार्यालयबाट मात्र नभई आफूले चाहेको ठेगाना (घरमै) प्राप्त गर्न सक्ने भएका छन्।