हामी अयोग्य कि उपेक्षित?

पछिल्लो समय राज्यले ३० वर्ष सेवा अवधि पूरा गरेका वा ५५ वर्ष उमेर पुगेका हामी कर्मचारीहरूलाई अनिवार्य अवकाश दिएर घर पठाउने भन्ने कुरा र नीतिगत प्रक्रियाले वर्षौँदेखि यही देशमा रगत–पसिना बगाउने म जस्ता धेरै निजामती कर्मचारीलाई एक किसिमको आशंका र अलिकति चोट पुर्‍याएको छ।

अहिले सिंहदरबारदेखि स्थानीय तहसम्म अनि चियापसलदेखि सामाजिक सञ्जालसम्म कर्मचारीतन्त्रविरुद्ध जस्तो आक्रोश पोखिन्छ, त्यसले आफ्नो जीवनको ऊर्जा देशको सेवामा अर्पण गर्नेहरूका मनमा अनगिन्ती प्रश्न उठाएको छ।