चीनले एक हजार टनभन्दा बढी सुन आयात गर्न कीर्तिमानी रकम खर्चियो

चीनले यस वर्ष एक हजार टनभन्दा बढी सुन आयात गर्न कीर्तिमानी रकम खर्च गरेको छ। विदेशमा बढ्दो भूराजनीतिक तनाव र स्वदेशी सम्पत्तिबाट कमजोर प्रतिफल प्राप्त भइरहेका बेला केन्द्रीय बैंक र स्थानीय लगानीकर्ताले सुनमा ठूलो रकम लगानी गर्न थालेका छन्।

विश्वको दोस्रो ठूलो अर्थतन्त्र चीनले यस वर्षको पहिलो आठ महिनामा सुन आयातमा १५८.८ अर्ब डलर खर्च गरेको छ। गत वर्षभरि चीनले ८८६ टन सुनका लागि ९६.५ अर्ब डलर खर्च गरेको थियो।