फुर्केखोला पुल तत्काल निर्माण गरी राजमार्गसँग सम्पर्क जोड्न उद्योगी–व्यवसायीको माग

धादिङ : रसुवा बाढीले बगाएको फुर्केखोला पुल तत्काल निर्माण गरी धादिङबेँसीसहित जिल्लाको मध्य तथा उत्तरी क्षेत्रलाई पृथ्वी राजमार्गसँग पुनः जोड्न उद्योगी–व्यवसायीले माग गरेका छन्।

धादिङ उद्योग वाणिज्य सङ्घको नेतृत्वमा जिल्लाका उद्योगी(व्यवसायीले प्रमुख जिल्ला अधिकारीमार्फत नेपाल सरकारलाई ध्यानाकर्षणपत्र बुझाउँदै फुर्केखोला पुल तत्काल निर्माण, वैकल्पिक सडकको मर्मतसम्भार तथा बाढी प्रभावित उद्योग–व्यवसायको पुनःस्थापनाका लागि विशेष राहतको व्यवस्था गर्न माग गरेका हुन्। गत भदौ १० गते भोटेकोसी–त्रिशूली नदीमा आएको बाढीले पृथ्वी राजमार्गबाट धादिङबेँसी सदरमुकाम जोड्ने फुर्केखोला–परेवाटारको पक्की पुल बगाएपछि सदरमुकामसहित जिल्लाका मध्य तथा उत्तरी क्षेत्रका आठ स्थानीय तहको राजमार्गसँगको नियमित सडक सम्पर्क प्रभावित भएको छ।