भैरहवा विमानस्थलबाट किन बन्द भयो दुई सहरको उडान?

गौतमबुद्ध अन्तर्राष्ट्रिय विमानस्थलबाट केही महिनाअघि कुवेतको जजिरा एयरवेजले अन्तर्राष्ट्रिय उडान संख्या घटायो। सातामा सातै उडान सुरू गरेको जजिराले यात्रु नपाएपछि एक महिनामै उडान संख्या घटाएर सातामा तीन पुर्‍यायो।

कुवेतको जजिराले मात्र होइन, आन्तरिक उडान भरिरहेका वायुसेवा कम्पनीले पनि भैरहवाबाट विभिन्न गन्तव्यमा उडान बन्द गरेका छन्। आन्तरिकतर्फ यात्रु संख्या नपाएको भन्दै बुद्ध र सौर्य एयरलाइन्सले केही महिनादेखि उडान बन्द गरेको विमानस्थलले जनाएको छ।