भरत दाहाललाई २४ घण्टाभित्र मिसिलसहित उपस्थित गराउन सर्वोच्च अदालतको आदेश

काठमाडौं । सर्वोच्च अदालतले राजनीतिक विश्लेषक भरत दाहाललाई २४ घन्टाभित्र मिसिलसहित उपस्थित गराउन आदेश दिएको छ ।

सर्वोच्चका न्यायाधीश कुमार रेग्मीले मंगलबार बन्दीप्रत्यक्षीकरण मुद्दाको सुनुवाइ गर्दै सरकारका नाममा यस्तो आदेश दिएका हुन् । भरत दाहालको तर्फबाट डेनिका दाहाल निवेदक रहेको मुद्दाको पेसीमा वरिष्ठ अधिवक्ता ध्रुवलाल श्रेष्ठ, अधिवक्ताहरु युवराज कोइराला, शान्ति ढुंगाना, शुभाषसिंह धामी र निकेश धितालले बहस गरेका थिए ।