असोजभित्रै गल्छी-स्याफ्रुबेँसी सडक सञ्चालन गर्ने तयारी, सेनाले थाल्यो ट्रयाक खोल्न ब्लास्टिङ

बाढीका कारण अवरुद्ध बनेको धादिङको गल्छीदेखि रसुवाको स्याफ्रुबेँसीसम्मको रणनीतिक सडकखण्ड यही असोजभित्रै सञ्चालनमा ल्याउने गरी पुनर्निर्माण तीव्र पारिएको छ। सरकारले अवरोध हटाउन र क्षतिग्रस्त संरचना मर्मत गर्न सम्पूर्ण संयन्त्र परिचालन गरेको हो।

हालसम्म गल्छीदेखि नुवाकोटको विदुरसम्मको सडकखण्ड मर्मत भइसकेको छ भने सोही खण्डअन्तर्गत देवीघाटमा एक्रो ब्रिज समेत जडान गरिएको छ।