सिमलताल पहिरोः बेपत्ता यात्रुबस खोज्न ड्रोन प्रयोग

काठमाडौं । सिमलताल पहिरोमा परेर त्रिशूलीमा हराइरहेका दुईवटा बस र बेपत्ता रहेका करिब ५० यात्रुको खोजी कार्यका लागि सशस्त्र प्रहरीले उच्च प्रविधिको प्रयोग गरेको छ ।

शुक्रबारदेखि हराइरहेका बस र यात्रुको खोजीका लागि सशस्त्र प्रहरीले पानीभित्र प्रयोग गरी खोज्न सकिने सोनार क्यामेरा, वाटर ड्रोन, पाइपलाइन इन्सपेक्सन सिस्टमसहित खोजीकार्य सुरु गरेको छ । तर, शनिबार साँझसम्म त्रिशूली नदीमा केही वस्तु पनि फेला पार्न नसकिएको चितवनका प्रमुख जिल्ला अधिकारी इन्द्रदेव यादवले जानकारी दिए ।