प्राधिकरणबाट कुलमानलाई हटाएर हितेन्द्रदेवलाई बनाइयो कार्यकारी निर्देशक

काठमाडौं । सरकारले नेपाल विद्युत् प्राधिकरणका कार्यकारी निर्देशक कुलमान घिसिङलाई हटाएको छ । मन्त्रिपरिषद्को सोमबार बसेको बैठकले उनलाई पदमुक्त गर्ने निर्णय गरेको हो ।

कुलमानलाई कार्यकारी निर्देशकबाट हटाएसँगै हितेन्द्रदेव शाक्यलाई कार्यकारी निर्देशकमा नियुक्त गरेको छ । यसअघि मन्त्रिपरिषद् बैठकले कुलमानमाथि चारबुँदे आरोप लगाउँदै ३ दिनभित्र सफाइ पेस गर्न भनेको थियो । कुलमानले पेस गरेको ७२ घण्टे स्पष्टीकरण चित्तबुझ्दो नभएको भन्दै सरकारले उनलाई हटाएको बताइएको छ ।