किन मौसम विभाग पुगे गृहमन्त्री र ऊर्जामन्त्री ?

काठमाडौं । आगामी दिनमा भारी वर्षा र हिमपातको सम्भावना देखिएपछि गृहमन्त्री सुधन गुरुङ र ऊर्जा, जलस्रोत तथा सिंचाइ मन्त्री विराजभक्त श्रेष्ठले नेपाल मौसम विज्ञान विभाग पुगेर अवस्थाबारे जानकारी लिएका छन् ।

मंगलबार बबरमहलस्थित विभागको कार्यालय पुगेका उनीहरूले महानिर्देशक अर्चना श्रेष्ठ, प्रवक्ता विभूति पोखरेललगायत मौसमविद्सँग भेट गरी सम्भावित जोखिम र आवश्यक तयारीबारे छलफल गरेका हुन् ।