तरकारीको झोलाभित्र ब्राउन सुगर ल्याउने दुई युवक पक्राउ

तरकारीको झोलाभित्र लागूऔषध ब्राउन सुगर ल्याउने दुई युवक मेची पुलमा पक्राउ परेका छन्। पक्राउ पर्नेहरूमा इलामको माई नगरपालिका–५ का अन्दाजी ३३ वर्षीय भूपेन्द्र लावती र बिर्तामोड नगरपालिका–५ का अन्दाजी २३ वर्षीय राजीव चौधरी रहेका छन्।

सोमबार साँझ पौने ७ बजे मे ६ प ९९७७ नम्बरको मोटरसाइकल सवार उनीहरू भारतबाट नेपालतर्फ आइरहेको अवस्थामा वडा प्रहरी कार्यालय भद्रपुर र लागूऔषध नियन्त्रण ब्यूरो काँकडभिट्टाबाट खटिएको संयुक्त टोलीले भद्रपुर नगरपालिका ५ स्थित मेची पुलमा रोकेर चेकजाँच गरेका थिए।