नेपाललाई गरिबी न्यूनीकरणमा उल्लेखनीय सफलता : विश्व बैंक

काठमाडौं । नेपालले चरम गरिबी लगभग निवारण गरेर गरिबी न्यूनीकरणमा उल्लेखनीय सफलता हासिल गरेको विश्व बैंकले जनाएको छ । गरिबी न्यूनीकरणमा सफलता हासिल हुुनुमा मुख्यतया रेमिट्यान्सको ठूलो भूमिका रहेको विश्व बैंकले उल्लेख गरेको छ ।

विश्व बैंकले सार्वजनिक गरेको ‘नेपाल राष्ट्रगत आर्थिक परिदृश्य: नेपालमा आर्थिक वृद्धिको सम्भावना उजागर प्रतिवेदन’का अनुसार भविष्यमा सुदृढ आर्थिक वृद्धि हासिल गर्न नेपालले आन्तरिक अवसरहरूलाई खुला गर्ने नीतिगत कदमहरूलाई प्राथमिकता दिनुपर्ने उल्लेख गरिएको छ ।