सर्वोच्चले सोध्यो-राजनीतिक विश्लेषक दाहाल पक्राउ गर्नुको कारण

काठमाडौं :सर्वोच्च अदालतले राजनीतिक विश्लेषक भरतमणि दाहाललाई पक्राउ गर्नुको कारण पेस गर्न सरकारका नाममा आदेश जारी गरेको छ। न्यायाधीश कुमारी रेग्मीको एकल इजलासले दाहाललाई पक्राउ गर्नुको कारणसहित २४ घण्टाभित्र अनुसन्धानको मिसिल र बन्दीसहित उपस्थित गराउन आदेश दिएको हो।

प्रहरीले दाहाललाई आइतबार बिहान मोरङको सुन्दरहरैँचाबाट पक्राउ गरेको थियो। काठमाडौं जिल्ला अदालतबाट पक्राउ पुर्जी जारी भएपछि साइबर ब्युरोको अनुरोधमा मोरङ प्रहरीले उनलाई पक्राउ गरी काठमाडौं पठाएको थियो।