बाढीपहिरोबाट पर्यटन क्षेत्रमा ५२ अर्ब ६७ करोडको प्रारम्भिक क्षति

काठमाडौं – भोटेकोशी तथा त्रिशूली नदीमा आएको बाढी र त्यसपछिको पहिरोबाट नेपालको पर्यटन क्षेत्रमा ५२ अर्ब ६७ करोड ४५ लाख ७६ हजार ५०० रुपैयाँ बराबरको प्रारम्भिक आर्थिक क्षति भएको प्रतिवेदन सार्वजनिक भएको छ ।

नेपाल पर्यटन बोर्डको द्रुत प्रतिक्रिया टोलीले तयार पारेको प्रतिवेदन सोमबार संस्कृति, पर्यटन तथा नागरिक उड्डयन मन्त्रालयमा आयोजित कार्यक्रममा प्रस्तुत गरिएको हो ।