खेतमा बिजुलीको तार जोड्ने क्रममा करेन्ट लागेर सिराहामा एक वृद्धको मृत्यु

सिराहाको औरही गाउँपालिकामा आफ्नै खेतमा रहेको बिजुलीको पोलमा तार जोड्ने क्रममा करेन्ट लागेर एक वृद्धको घटनास्थलमै मृत्यु भएको छ।

मृत्यु हुनेमा औरही गाउँपालिका-१ का ७० वर्षीय रामटहल महतो रहेका छन्। मंगलबार दिउँसो खेतमा सिँचाइ वा अन्य प्रयोजनका लागि विद्युतको पोलमा तार जोड्ने क्रममा उनलाई अचानक करेन्ट लागेको प्रहरीले जनाएको छ।