‘वान म्यान शो’ को प्रश्न उठेपछि बैठक सञ्चालनको जिम्मा महासचिव पोखरेललाई

काठमाडौँ। नेकपा (एमाले) को पार्टी बैठक सञ्चालनको विषयलाई लिएर नेताहरूबिच असन्तुष्टि देखिएपछि महासचिव शंकर पोखरेलले बैठक सञ्चालनको जिम्मेवारी सम्हालेका छन्।

यसअघि अध्यक्ष केपी शर्मा ओलीले बैठकका अधिकांश प्रक्रिया आफैँ सञ्चालन गर्दै आएका थिए। हिजो दिनभरको बैठकसमेत अध्यक्ष ओलीले नै सञ्चालन गरेका थिए। तर, आज बिहानको सत्रमा अध्यक्षले नै सबै प्रक्रिया सञ्चालन गरेको भन्दै महासचिव पोखरेललगायत केही नेताले असन्तुष्टि जनाएका थिए।