जुकरबर्गको सम्पत्ति एकै दिन २५ अर्ब डलरले बढ्यो, मेटाको शेयर १२ प्रतिशतले उकालो

६ असोज, काठमाडौं। मेटाका संस्थापक मार्क जुकरबर्गको कुल सम्पत्ति एकै दिन करिब २५ अर्ब डलरले बढेको छ। सोमबार मेटाको शेयर मूल्य करिब १२ प्रतिशतले बढेपछि जुकरबर्गको कुल सम्पत्ति २५३.६ अर्ब डलर पुगेको फोर्ब्सले जनाएको छ।

मेटाको शेयरमा यो वृद्धि कम्पनीको नयाँ एआई असिस्टेन्ट म्युजप्रति लगानीकर्ताहरूको बढ्दो विश्वासका कारण आएको हो। मेटाको वार्षिक मेटा कनेक्ट सम्मेलन अगाडि वेल्स फार्गोले मेटाको शेयरको लक्ष्य मूल्य ६४० डलरबाट बढाएर ७९६ डलर पुर्याएको थियो।