भृकुटी कागज कारखाना बिक्री र अर्बौं ऋणबारे सतर्कता केन्द्रको छानबिन

काठमाडौं – ३४ वर्षअघि निजीकरण गरिएको भृकुटी कागज कारखाना बन्द हुनु र त्यससँग जोडिएको अर्बौं रुपैयाँको ऋणबारे राष्ट्रिय सतर्कता केन्द्रले छानबिन थालेको छ ।

प्रहरी उपरीक्षक बुद्धि खनालको संयोजकत्वमा गठित समितिले कारखाना बिक्री प्रक्रिया, त्यस क्रममा प्रयोग भएका कागजात तथा उद्योग बन्द हुनुका कारणबारे अनुसन्धान अघि बढाएको हो ।