विश्वविद्यालयको प्रशासनढिलासुस्तीले विद्यार्थीको भविष्य अन्योलमा परेको भन्दै सांसद ओजस्वीले गराइन् ध्यानाकर्षण

काठमाडौँ- प्रतिनिधिसभाको बैठकमा शिक्षा, स्वास्थ्य तथा सूचना प्रविधि समितिका सभापति डा.ओजस्वी शेरचनले विश्वविद्यालयहरूमा व्याप्त प्रशासनिक ढिलासुस्तीका कारण लाखौँ युवाहरूको भविष्य अन्धकारमा परेको भन्दै सरकारको गम्भीर ध्यानाकर्षण गराएकी छन्।

उनले समयमा परीक्षा सञ्चालन नहुने, परीक्षा सकिएको महिनौँसम्म नतिजा नआउने र लामो समयसम्म प्रमाणपत्रका लागि लाइन बस्नुपर्ने बाध्यताले गर्दा विद्यार्थीहरूको शैक्षिक वर्ष खेर जानुका साथै लोकसेवा लगायतका रोजगारीका अवसरहरू गुमेको र वैदेशिक अध्ययनमा अन्तराल वर्ष ‘Gap year’ बढेको बताइन्।