रेशम चौधरीलाई आममाफी दिने निर्णयविरुद्धको रिट सर्वोच्चद्वारा खारेज

काठमाडौं। टीकापुर घटनामा रेशमलाल चौधरीलाई आममाफी दिने राष्ट्रपतिको निर्णयविरुद्ध दायर रिट सर्वोच्च अदालतले खारेज गरेको छ।

मंगलबार न्यायाधीशद्वय शारङ्गा सुवेदी र श्रीकान्त पौडेलको संयुक्त इजलासले रिट खारेज गर्ने फैसला गरेको हो। टीकापुर घटनामा दोषी ठहर भई जन्मकैद सजाय पाएका चौधरीलाई तत्कालीन राष्ट्रपतिले आममाफी दिएपछि २०८० जेठ १५ गते कारागारबाट रिहा गरिएको थियो।