लाइसेन्स वितरण सहज बनाउन तीन निकायबीच त्रिपक्षीय सम्झौता

काठमाडौं– सवारी चालक अनुमतिपत्र वितरणलाई थप व्यवस्थित र सहज बनाउन यातायात व्यवस्था विभाग, हुलाक सेवा विभाग र सुरक्षण मुद्रण केन्द्रबीच त्रिपक्षीय सम्झौता भएको छ ।

पूर्वाधार विकास मन्त्रालयमा मंगलबार भएको सम्झौताअनुसार विद्युतीय ड्राइभिङ लाइसेन्स तथा सवारी दर्ता प्रणाली (ईडीएल भीआरएस) बाट जारी हुने लाइसेन्सको विवरण सोझै सुरक्षण मुद्रण केन्द्रको प्रणालीमा जानेछ । त्यसपछि केन्द्रबाटै लाइसेन्स छपाइ हुने व्यवस्था गरिएको छ ।