कर्णाली राजमार्गका १६ रुग्ण ठेक्का एकैसाथ रद्द

सुर्खेत : कर्णाली राजमार्गको सडक स्तरोन्नति र निर्माणका नाममा वर्षौंदेखि बजेट र आयोजना ओगटेर बस्ने निर्माण व्यवसायीहरूमाथि सडक डिभिजन कार्यालय जुम्लाले कडा कदम चालेको छ।

सम्झौता गर्ने तर काम अलपत्र पार्ने प्रवृत्तिविरुद्ध आक्रामक बन्दै कार्यालयले कालिकोट, जुम्ला र मुगुका १६ वटा रुग्ण ठेक्का एकसाथ तोड्न १५ दिने सार्वजनिक सूचना जारी गरेको छ। यसअघि पनि राजमार्गका १० वटा लथालिंग ठेक्का रद्द गरिसकेको डिभिजन कार्यालयले यो दोस्रो चरणको ठूलो कारबाही अघि बढाएको हो।