सरकारैपिच्छे फेरिए मापदण्ड, रोकिएनन् असुली धन्दा

भिजिट भिसाको आवरणमा रोजगारीका लागि नेपाली युवालाई जोखिमपूर्ण रूपमा खाडी मुलुक पठाउने धन्दा रोक्न सरकारैपिच्छे अनेकौं कार्यविधि र मापदण्ड बने।

गृहमन्त्री र मन्त्रिपरिषद् परिवर्तन भएसँगै त्रिभुवन अन्तर्राष्ट्रिय विमानस्थलको अध्यागमन कडाइका नाममा नयाँ-नयाँ उर्दी जारी गरिए। तर, दशकौंदेखि जरा गाडेर बसेको मानव तस्करी, बिचौलियाको सिन्डिकेट र कर्मचारीको असुली जालो भने अझै भत्किन सकेको छैन।