भारी वर्षाको चेतावनीपछि धनगढीमा नगर प्रहरीको माइकिङ

धनगढी । आगामी बिहिबारदेखि सोमबारसम्म भारीदेखि धेरै भारी वर्षाको सम्भावना रहेपछि धनगढी उपमहानगरपालिकाले नगरवासीलाई सतर्क रहन आग्रह गर्दै टोलटोलमा माइकिङ सुरु गरेको छ ।

नेपाल मौसम विज्ञान विभागको मौसम पूर्वानुमान महाशाखाले जारी गरेको विशेष मौसमी बुलेटिनअनुसार असोज ८ गते बिहिबारदेखि १२ गते सोमबारसम्म सुदूरपश्चिमसहित विभिन्न क्षेत्रमा भारीदेखि धेरै भारी वर्षाको सम्भावना रहेको छ ।