फोटोग्राफी, भिडियोग्राफी र एआई सिक्ने अवसर, नि:शुल्क तालिमका लागि आवेदन खुला

वीरेन्द्रनगर । वीरेन्द्रनगर नगरपालिकाले स्थानीय युवालाई सूचना प्रविधिसम्बन्धी सीप प्रदान गर्ने उद्देश्यले फोटोग्राफी तथा भिडियोग्राफी, डिजिटल मार्केटिङ र आर्टिफिसियल इन्टेलिजेन्स (एआई) सम्बन्धी नि:शुल्क तालिम सञ्चालन गर्ने भएको छ ।

नगरपालिकाले आर्थिक वर्ष २०८३/८४ को युवा उद्यमशीलता तथा आन्तरिक रोजगार प्रवर्द्धन कार्यक्रमअन्तर्गत तालिम सञ्चालन गर्न लागेको हो । सूचना प्रविधिसम्बन्धी व्यावहारिक सीप विकास गरी युवालाई रोजगारी तथा स्वरोजगारीका अवसरतर्फ आकर्षित गर्ने उद्देश्यले तालिम आयोजना गर्न लागिएको नगरपालिकाले जनाएको छ ।