बागमतीका मुख्यमन्त्रीले पाए विश्वासको मत

मकवानपुर । बागमती प्रदेशका मुख्यमन्त्री इन्द्रबहादुर बानियाँले प्रदेशसभाबाट विश्वासको मत प्राप्त गरेका छन् । मंगलबार प्रदेशसभा बैठकमा विश्वासको मतसम्बन्धी प्रस्ताव पेस गरेका मुख्यमन्त्री बानियाँको पक्षमा ६३ मत परेको छ ।

सत्ता गठबन्धनसँग ६४ मत भएकामा एक जना अनुपस्थित भए । १ सय १० सदस्यीय प्रदेशसभामा बानियाँका लागि ५६ सांसदको समर्थन आवश्यक थियो । कांग्रेसका ३६ र एमालेका २७ सांसदले उनलाई मत दिएका छन् । कांग्रेसका प्रदेशसभा सदस्य रामकृष्ण चित्रकार विदेशमा भएका कारण उनको मत बानियाँले पाएनन् ।