जलेकामध्ये साढे सात हजार मिसिल प्राप्त

भदौ २३ र २४ गतेको जेनजी आन्दोलनका क्रममा जलेकामध्ये सात हजार पाँच सय मिसिल सर्वोच्च अदालतले प्राप्त गरेको छ । भदौ २३ गतेसम्म कायम रहेका कुल २४ हजार २३४ मुद्दामध्ये २० हजार ३४ थान मुद्दाका मिसिल जलेका छन् ।

चालु मुद्दाका चार हजार दुई सय मिसिल भने सुरक्षित छन् । अभिलेखका एक लाख ९७ हजार थान मिसिल जलेका छन् । सर्वोच्चले कार्यविधि बनाएर मङ्सिर १ गतेदेखि सरोकारवालासँग मिसिल माग गरेको थियो । पुस मसान्तसम्मको समय अदालतले पक्षहरूलाई दिएको छ ।