पहाडी जीवनलाई चिनाउन ‘झिल्टुङ क्रसकन्ट्री’ दौड

नुवाकोट । महाकवि लक्ष्मीप्रसाद देवकोटाले ‘पहाडी जीवन’ निबन्धमा उल्लेख गरेअनुसार झिल्टुङ पहाडी जीवनका लागि उत्कृष्ट स्थल रहेको सन्देश दिने लक्ष्यसहित आयोजित ‘झिल्टुङ क्रसकन्ट्री दौड’ प्रतियोगिताको दशौँ संस्करण शनिबार सम्पन्न भएको छ ।

‘जे गरौँः गज्जबले गरौँ’ भन्ने नारासहित बेलकोटगढी नगरपालिकाको गौरवको आयोजनाअन्तर्गत पालिकास्तरीय पर्वका रूपमा तीन दिनसम्म सञ्चालन गरिएको दौडमा राष्ट्रिय तथा अन्तर्राष्ट्रियस्तरका चार सय नेपाली धावकको सहभागितामा झिल्टुङ दौड सम्पन्न भएको हो ।