दुबईबाट मागपत्र प्रमाणीकरणमा भइरहेको ढिलाइप्रति वैदेशिक रोजगार व्यवसायी संघको आपत्ति

काठमाडौं । नेपाल वैदेशिक रोजगार व्यवसायी संघले दुबईस्थित नेपाली कन्सुलेट कार्यालयबाट मागपत्र प्रमाणीकरणमा भइरहेको ढिलासुस्तीप्रति गम्भीर आपत्ति जनाएको छ ।

संघका अध्यक्ष तथा पदाधिकारीहरूले मन्त्रालयका सचिवसँग भेट गरी दुबईस्थित नेपाली कन्सुलेट कार्यालयमा रीतपूर्वक पेश गरिएका तथा निर्धारित चेकलिस्टअनुसार आवश्यक सम्पूर्ण कागजात पूरा भएका मागपत्रको समेत प्रमाणीकरण प्रक्रियामा अनावश्यक ढिलाइ भइरहेको जानकारी गराएका हुन्।