मलेसियाको एफडब्लूसीएमएस प्रणाली: २५ संस्था तोकिएको विषयमा संघको ध्यानाकर्षण

काठमाडौं । नेपाल वैदेशिक रोजगार व्यवसायी संघले मलेसियामा नेपाली श्रमिक पठाउन एफडब्लूसीएमएस प्रणालीमा नेपालका २५ वटा इजाजतप्राप्त संस्थालाई मुख्य संस्था र २५० वटा संस्थालाई उप–एजेन्टका रूपमा सूचीकरण गरिएको विषयमा अन्तर्राष्ट्रिय आप्रवासन संगठन (आईओएम) नेपालको ध्यानाकर्षण गराएको छ।

संघका अध्यक्ष डिकबहादुर खत्री (कुमार) सहितको प्रतिनिधिमण्डलले आईओएम नेपालका कन्ट्री डाइरेक्टरसँग भेट गरी उक्त व्यवस्थाबारे विस्तृत छलफल गरेको हो।