शार्दुल र स्पीनर चम्किँदा बेंगलोरमाथि कोलकाताको शानदार जित

२४ चैत, काठमाडौं । इन्डियन प्रिमियर लिग (आईपीएल) मा शार्दुल ठाकुरले शानदार ब्याटिङ अनि स्पीनरहरुले घातक बलिङ गरेपछि कोलकता नाइट राइडर्सले रोयल च्यालेन्जर्स बेंगलोरलाई ८१ रनले पराजित गरेको छ ।

बिहीबार घरेलु मैदान इडन गार्डेनमा जित निकाल्ने क्रममा कोलकाताका लागि शार्दुलले आक्रामक ब्याटिङ गर्दै २९ बलमै ६८ रन बनाएका थिए । बलिङमा वरुण चक्रवर्तीले ४ तथा यसै खेलबाट डेब्यु गरेका सुयास शर्माले ३ र सुनिल नारिनले २ विकेट लिए ।