कांग्रेस वडा अधिवेशन : अरूलाई जिताउन दलित कोटा नै गायब

काठमाडौं । नेपाली कांग्रेसको विराटनगर महानगरपालिका वडा नम्बर ३ को वडा अधिवेशनबाट क्षेत्रीय प्रतिनिधि चयनको विषय विवादित बनेको छ । पार्टी विधानले तोकेको दलित समुदाय तथा समावेशी प्रतिनिधित्वलाई लत्याउँदै शीर्ष नेतालाई जोगाउन खुलातर्फको संख्या बढाइएको भन्दै पार्टीभित्रै असन्तुष्टि देखिएको छ ।

वडा अधिवेशनबाट खुलातर्फ २६ जना क्षेत्रीय प्रतिनिधि चयन गरिएको नामावली सार्वजनिक भएको छ । जसमा २६ जना नै खस–आर्य तथा गैरदलित मात्र निर्वाचित भएका छन् । विधानअनुसार २६ जनामध्ये ३ जना अनिवार्य रूपमा दलित समुदायबाट समेटिनुपर्नेमा दलितको सिट काटेर खुलामा थपिएको आरोप असन्तुष्ट पक्षको छ ।