एचपिभी खोप नियमित सञ्चालन

पाठेघरको मुखको क्यान्सरविरुद्ध लगाउने एचपिभी खोप सरकारले नियमित रूपमा सञ्चालन गर्ने भएको छ ।

स्वास्थ्य तथा जनसङ्ख्या मन्त्रालयले एचपिभी भ्याक्सिनलाई राष्ट्रिय खोप कार्यक्रम अन्तर्गत राखेर सञ्चालन गर्न लागेको हो । बाल स्वास्थ्य तथा खोप शाखाका प्रमुख डा. अभियान गौतमले एचपिभी भाइरसविरुद्धको खोप माघको अन्तिम साताबाट राष्ट्रिय खोप कार्यक्रममार्फत सञ्चालन गर्न लागेको जानकारी दिनुभयो । उहाँका अनुसार विद्यालय तहमा कक्षा ६ मा अध्ययनरत सबै बालिका र १० वर्षका करिब साढे तीन लाख किशोरीलाई लक्षित गरेर एचपिभी खोप सञ्चालन गरिने छ ।