बोर्नमाउथसँग लिभरपुल ३–२ ले पराजित

काठमाडौँ । इंग्लिस प्रिमियर लिग अन्तर्गत शनिबार राति सम्पन्न खेलमा बोर्नमाउथले लिभरपुललाई ३–२ ले पराजित गरेको छ। रोमाञ्चक बनेको उक्त खेलमा अन्तिम समयमा आएको निर्णायक गोलले घरेलु टोली बोर्नमाउथलाई महत्त्वपूर्ण जित दिलायो ।

बोर्नमाउथको जितमा इभानिल्सनले खेलको २६औँ मिनेटमा पहिलो गोल गर्दै टोलीलाई अग्रता दिलाएका थिए । त्यसपछि ३३औँ मिनेटमा एलेक्स जिमेनेजले दोस्रो गोल थपे । खेलको अन्त्यतिर अमिन आद्लीले निर्णायक गोल गर्दै बोर्नमाउथको जित सुनिश्चित गरे ।