१४ दिनसम्म पनि निकाल्न सकिएन बस

फुलेको लामो कपाल । अगाडि छुस्स फुलेका दाह्री । छोटो कदका मधुर स्वरमा बोल्ने टायर कान्छा अर्थात सन्तबहादुर श्रेष्ठ । तनहुँको आँबुखैरेनी गाउँपालिका–५ दोन्द्राङबेशीस्थित त्रिशुली नदी किनारमा भेटिएको बसको उत्खननमा दुई सातादेखि निरन्तर खटिएका छन् । तर प्रगती भने सन्तोष जनक देखिएको छैन । यद्यपी ६२ वर्षिय श्रेष्ठले हरेस भने खाएका छैनन् ।

शुक्रबार खाल्टोबाट बालुवा बाहिर फालिरहेको अवस्थामा यो बस निस्कन्छ त भनेर प्रश्न गर्दा टायर कान्छाको सहजै उत्तर थियो ‘निस्कनै पर्छ ननिस्के त हामी यत्रो दिन किन बस्नु पर्‍यो?’ कहिले निस्कन्छ भन्ने प्रतिप्रश्नमा उनले फेरी भने ‘पछाडिको भाग माथी नआउने बेलासम्म भन्न सक्दिन ।’