नदी दायाँबायाँ भवन निर्माणबारे अदालतको आदेशलाई महानगरको सम्मान

काठमाडौं महानगरपालिकाले नदीको दायाँबायाँ क्षेत्रमा भवन निर्माणसम्बन्धी मापदण्डका विषयमा सर्वोच्च अदालतको आदेश र निर्णयलाई सम्मान गर्ने जनाएको छ।

उपत्यकाका १९ वटा नदी सङ्घर्ष समितिका पदाधिकारीसँग भएको भेटमा कार्यवाहक प्रमुख सुनिता डङ्गोलले अदालतको आदेशको सम्मान गर्दै महानगरले नदीको दायाँबायाँ क्षेत्रमा भवन निर्माणका लागि लगाइएको रोक्का फुकुवासम्बन्धी सार्वजनिक सूचना जारी गरिसकेको जानकारी दिइन्।