कांग्रेस अधिवेशनमा सहभागी शिक्षकलाई कारबाही गर्न निर्देशन

काठमाडौँ । नेपाली कांग्रेसको वडा अधिवेशनमा सहभागी भएका शिक्षकलाई कारबाही गर्न शिक्षा तथा खेलकुद मन्त्रालयले निर्देशन दिएको छ।

मंगलबार मन्त्रालयको विद्यालय शिक्षा शाखाले ७७ वटै जिल्लाका शिक्षा विकास तथा समन्वय एकाइलाई पत्राचार गरेर कारबाही गर्न निर्देशन दिएको हो। शाखाका उपसचिव लिलानाथ पोख्रेलले पठाएको पत्रमा राजनीतिक दलको कार्यक्रममा सहभागी शिक्षकलाई कारबाही गर्न भनिएको छ।