भारतमा डेँगु खोपको ऐतिहासिक स्वीकृति

काठमाडौँ ।

डेँगुको बढ्दो जोखिमबीच भारतले पहिलोपटक डेँगुविरुद्धको खोपलाई बजारमा प्रयोगका लागि स्वीकृति दिएको छ । भारतको केन्द्रीय औषधी मानक नियन्त्रण संगठनअन्तर्गत ड्रग्स कन्ट्रोलर जनरल अफ इन्डियाले जापानी औषधी कम्पनी टाकेडा फार्मास्युटिकल्सले विकास गरेको ‘क्युडेंगा’ खोपलाई ४ देखि ६० वर्ष उमेर समूहका व्यक्तिमा प्रयोग गर्न बजार अनुमति प्रदान गरेको हो । यो अनुमति न्यु ड्रग एण्ड क्लिनिकल ट्रायल रुल्स, २०१९ अन्तर्गत विस्तृत गुणस्तर, सुरक्षा र प्रभावकारिता मूल्याङ्कनपछि दिइएको भारतीय स्वास्थ्य तथा परिवार कल्याण मन्त्रालयले जनाएको छ ।