सडक ठेक्कामा न्यूनतम बोलपत्र पन्छाएर ७३ लाख भ्रष्टाचार: डोल्पाका अधिकृतसहित ८ जनाविरुद्ध मुद्दा

डोल्पाको त्रिपुरासुन्दरी नगरपालिकास्थित सडक निर्माणको ठेक्कामा न्यूनतम बोलपत्रदातालाई गैरकानुनी रूपमा पन्छाएर सबैभन्दा महँगो प्रस्ताव स्वीकृत गरी ७३ लाख रुपैयाँभन्दा बढी भ्रष्टाचार गरेको अभियोगमा आठ जनाविरुद्ध मुद्दा दायर भएको छ।

अख्तियार दुरुपयोग अनुसन्धान आयोगले तत्कालीन निमित्त प्रमुख प्रशासकीय अधिकृत, इन्जिनियर, कर्मचारी र ठेकेदारसहित ८ जनाविरुद्ध मंगलबार विशेष अदालत, काठमाडौंमा आरोपपत्र दायर गरेको हो।