प्रदेश सरकारद्वारा दार्चुलाका विपद् प्रभावितलाई राहत सामग्री प्रदान

सुदूरपश्चिम। सुदूरपश्चिम प्रदेश सरकारले दार्चुलाको व्यास गाउँपालिका–४, मडगाउँका विपद्पीडितलाई राहत सामग्री प्रदान गरेको छ।

धनगढीमा प्रदेशका आन्तरिक मामिला तथा कानुनमन्त्री खुसीराम डगौरा थारूले मंगलबार स्थानीय जनप्रतिनिधिलाई उक्त राहत सामग्री हस्तान्तरण गरे । प्रभावित परिवारको तत्कालीन आवश्यकता सम्बोधन गर्न प्रदेश सरकारले ५० थान कम्बल, ४० थान टेन्टलगायत आवश्यक सामग्री हस्तान्तरण गरेको मन्त्रालयको विपद् शाखाका जनक धामीले जानकारी दिए।