प्राधिकरणले लामो समयसम्म सरकारी डेटा सेन्टरमा विद्युत नदिँदा सबै सरकारी वेभसाइट डाउन

काठमाडौं । आज (मंगलबार) साँझदेखि नेपाल सरकारका सबै वेबसाइटहरू ‘डाउन’ भएका छन् । ‘ जीओभी डट एनपी’ डोमेनमा रहेका सरकारी वेभसाइटहरु विद्युत आपूर्ति बन्द भएका कारण खुल्न नसकेका हुन् ।

सरकारी वेभसाइटहरु नखुलेपछि अनलाइनमार्फत प्रदान हुने अत्यावश्यकीय सेवा प्रभावित भएको छ । अन्तर्राष्ट्रिय विमानस्थलहरुमा अध्यागमन जाँचपासमा समेत असर परेको छ । सोही कारण त्रिभुवन विमानस्थलमा यात्रुको लामो समय लागेको छ ।