ठाकुरराम क्याम्पसका प्रमुखले दिए राजीनामा

वीरगन्ज । ठाकुरराम बहुमुखी क्याम्पसका प्रमुख डा. उमेशकुमार चौरसियाले कार्यकाल बाँकी छँदै सधैंको पदबाट राजीनामा दिएका छन् । जिल्लामा राजनीतिको अखडाका रूपमा कहलिएको यो क्याम्पसका प्रमुख डा. चौरसियाले आइतबार आफ्नो कार्यकाल अझै एकवर्ष जति बाँकी छँदै पदबाट राजीनामा दिएका हुन् ।

विद्यार्थी र क्याम्पसका कर्मचारी, गुरुवर्ग मात्र नभई जिल्लाका राजनीतिकर्मीको पनि राजनीतिक तानातानले मुलुककै जेठो क्याम्पसमध्येको यो क्याम्पसका प्रमुख अहिले भने विद्यार्थी र त्रिविको चेपुवामा परेका छन् । उनले दुवैतर्फलाई मिलाउन निकै प्रयत्न गर्दा पनि पार नलागेपछि राजीनामाको बाटो रोजेको बुझिएको छ ।