तोडफोडका कारण ग्यास पाइपलाइनमा चुहावट : ईयू

ब्रेसल्स/मस्को — रुसदेखि युरोपसम्म प्राकृतिक ग्यास आपूर्ति हुने २ वटा पाइपलाइनमा भएको चुहावट तोडफोडका कारण भएको युरोपेली युनियन (ईयू) ले दाबी गरेको छ । युरोपेली कमिसन प्रमुख उर्सुला भेन डर लिएनले जानाजान पाइपलाइनमा तोडफोड गर्दा चुहावट भएको दाबी गरेकी हुन् ।

‘पाइपलाइनमा गरिएको तोडफोडले युरोपमा भइरहेको ऊर्जा आपूर्तिमा थप बाधा पुर्‍याउने प्रयासलाई संकेत गर्छ,’ उनले ट्वीटमा लेखेकी छन् ।