म्याराथनको टिसर्टमा खुम्चिएका बीपी : फेसन कि समाजवाद ?

आज साउन ६ गते, युगपुरुष जननायक विश्वेश्वरप्रसाद कोइरालाको ४४औँ स्मृति दिवस । यस दिनलाई राजनीतिक वृत्तमा र विशेष गरी बीपी स्वयंले स्थापना गरेको पार्टी नेपाली कांग्रेसले टोलदेखि केन्द्रीय कार्यसमितिसम्म विभिन्न प्रकारका कार्यक्रम आयोजना गरी उहाँप्रति श्रद्धासुमन अर्पण गर्छ ।

तर, यस वर्ष नेपाली कांग्रेसका नयाँ र पुराना संस्थापन पक्षबिचको आन्तरिक द्वन्द्वले स्वयं बीपीलाई दुई चिरामा विभाजन गरिदिएको छ । दुवै पक्षले फरक–फरक कार्यक्रमको आयोजना गरिरहेका छन् । यसरी समसामयिक अवस्थामा हेर्दा यसपटकको स्मृति दिवस बीपीको वैचारिक विरासतको उत्सवभन्दा बढी विचलन र उपहास प्रतीत हुन्छ ।