कोरियन भाषा परीक्षाका लागि साउन ११ गतेदेखि आवेदन खुल्ने, यस्तो छ फारम भर्ने अनलाइन प्रणाली

काठमाडौं । दक्षिण कोरियामा काम गर्न जानेहरूका लागि नेपाल सरकारले कोरियन भाषा परीक्षाको आवेदन खुलाएको छ । वैदेशिक रोजगार विभाग अन्तर्गतको इपीएस कोरिया शाखाले सूचना जारी गर्दै आगामी २७ जुलाईदेखि २ अगस्ट (११ देखि १७ साउन) सम्म अनलाइनमार्फत आवेदन दिन सकिने जनाएको छ ।

कोरिया र नेपाल सरकारबिच भएको सम्झौता अनुरुप कोरियामा कामदारका रूपमा जाने नेपाली छनोट गर्न कोरियन भाषा परीक्षा (ईपीएस टोपिक) सञ्चालन हुँदै आएको छ । सूचनाअनुसार इच्छुक नेपालीले eoers.epsnepal.gov.np मा गएर आवेदन दिनुपर्नेछ । उक्त वेबसाइटमा आवेदन दिने प्रक्रिया सम्बन्धी डेमो भिडियो पहिलो पेजमै राखिएको इपीएस शाखाले जनाएको छ ।