एम्बाप्पे चम्किँदा रियल मड्रिडको जित, शीर्ष स्थान कब्जा

काठमाडौँ । स्पेनिस ला लिगा अन्तर्गत नेपाली समय अनुसार आइतबार बिहान सम्पन्न खेलमा रियल मड्रिडले भिल्लारियललाई २–० ले पराजित गर्दै महत्त्वपूर्ण तीन अंक हात पारेको छ । किलियन एम्बाप्पेको शानदार प्रदर्शनसँगै रियलले जित दर्ता गरेको हो ।

खेलको ४७ औँ मिनेटमा एम्बाप्पेले गोल गर्दै रियललाई अग्रता दिलाए । त्यसपछि खेलको अतिरिक्त समयमा पेनाल्टीमार्फत दोस्रो गोल गर्दै उनले व्यक्तिगत रूपमा दुई गोल पूरा गरे र टोलीको जित सुनिश्चित गरे । भिल्लारियलले केही अवसर सिर्जना गरे पनि गोलमा परिणत गर्न सकेन ।